GUGMANG GIDUMTAN
ni: Mary Diane Z. Ismael
Classmate ta sauna noh? Bantog ra familiar ka
Ming-ingon ka'g gwapa ko, ang atay pud mingbuka
Wa ko ga-expect ato pero giganahan ko
Tingala nalang pud ko, duol-duol ka nako
'Tawun oras gadagan ug gitawag ta'g best friend
Pirmi natong text-text noh? Take care imung gisend
Imong pagduol-duol, wa ka kahuna-huna?
Bisan ako'y mainlab, ayaw intawun na.
Sa atong panag-uban, pirme jud ko malingaw
Masuko'g mulayo ko, layu'g isa ka-dangaw
Intawun murag uyab, pero dakong pamutbot
Samuk nga mga tawo, sige ju'g labut-labot
Sa akong pagkaligo, nahulog ang kabo
Kay ang gikahadlukan kay murag nahitabo
Nakahuna-huna ko, itug-an kaha nako?
Mahuwas-huwasan jud ang pagbating giloko.
Samtang gahuna-huna sa unsaun pagtug-an
Nakapangutana ko, "Nakabati sya'g kuan..?"
Dli ko kapadaun kay sya kalit ming-tawag
'Kig kita daw kuno sya, mao'y tuyo sa tawag.
Ako pud gikulbaan, murag heart gilubaan
Sus pirte kong pagwapa kay abi'g xa mutug-an
Pero pagkita niya, kalibutan ming-bali
Sa duha nakong mata, naay kalit ming ali.
'Kig kita diay to tungog 'kig ila-ila
Sa 'yang gwapa na uyab, na wa jud ko kaila
"Job well done girl", kalit niyang hong-hong
Ug saybet pajud niya, "Selos ko ninyung dodong."
Boy, wa man ka gasaba, na planado ni tanan
Para akong gibati kay madala ra'g pugngan
Tawa nakabalo ko, kalibutan ming-uyog
Ug pagdumot ug gugma, dili gayud magkuyog.
